VITA VYA KIROHO.

11/7/2014.

UJUMBE: VITA VYA KIROHO.

• Vita vya  kiroho maana yake ni vita vya kiimani katika ulimwengu wa roho.

• Ni vigumu kushinda vita vya kiroho nikiwa sina mahusiano mazuri na Neno la Mungu, kwa sababu Neno la Mungu ndilo linalosaidia imani ya mkristo kutawala katika roho.

• Ninaweza kushinda vita vya kiroho (vita vya kiimani) kama nia ya moyo wangu imeamua kuambatana na Neno la Mungu

.

• ( Vita vya kiroho vinahitaji ukomavu wa kiimani).

• Mimi kama mkristo mwamini ninatakiwa niishi  maisha ya utawala katika roho, ndio maana Biblia imesisitiza jambo hili

Wagalatia 5:25.

• Biblia inasema “Tukiishi kwa roho na tuenende kwa roho” maana yake zaidi tukiishi kwa imani na tuenende kwa imani,  huu ndio unaotakiwa  uwe msingi wa mkristo aliye okoka.

• Nikiamua kuishi maisha ya imani yaani maisha ya wokovu,inatakiwa niwe tayari kujinyima baadhi ya vitu fulani ,ili kuilinda imani yangu inayomkiri Yesu Kristo isijeruhike.

• ( Mkristo aliyesimama katika misingi ya kiimani ndiye mwenye uwezo  mkubwa wa kushinda vita vya kiroho).

• ( Imani  ikidhoofika ndani mwamini ndipo mpenyo wa dhambi hutokea).

• “Mkristo asiyekuwa na tabia ya kusamehe ana ugonjwa wa roho’’, mtu wa aina hii hata uso wake unaonyesha wazi kabisa, yaani hupoteza asili yake ya kawaida , bali huvaa kwenye uso wake asili ya hasira.

• Siwezi kupenya katika vita vya kiroho kama sijaruhusu nia ya moyo wangu kupata mabadiliko kupitia Neno la Mungu

Warumi 12:1-3.

• ( Chimbuko la dhambi ni mawazo mabaya, yaani nia mbaya ndani ya moyo).

• “ Shetani huja kumjaribu mwamini katika umbo la kiroho,kama ufahamu wangu ni mdogo katika Neno la Mungu, nitamgundua akiwa tayari amekwisha kuniangusha katika dhambi”

• Mkristo anayeishi maisha ya imani yaani maisha ya kumwamini Yesu Kristo hupata faida zifuatazo ;-

      a)Utawala wa rohoni.

      b)Kibali machoni pa Mungu.

      c)Baraka za Mungu kwa jinsi zake.

• Nikidhibiti tabia zinazo nitoa kwenye uwepo wa Mungu hapo nitapata mpenyo wa kutawala katika roho , vilevile Mungu aweza kujifunua kwangu.

• ( Nia ya moyo wangu ikiwaza sambamba na Neno la Mungu , ni rahisi mimi kama mwamini kudumu katika mapenzi ya Mungu ).

• ( Vita vya kiroho nitavishinda iwapo utu wangu wa ndani utaamua kuishi sambamba na mapenzi ya Mungu ).

• Mkristo aliye mwamini Yesu Kristo sio wito wake kuishi maisha ya dhambi, huwa wanalazimisha tu, ndio maana huangukia katika hali ya kujihukumu na kukosa amani mioyoni mwao

Mithali 1:23-31.

• Lazima niweke mikakati ya mabadiliko katika njia zangu ili ziendane sambamba na Baraka za Mungu, ili wakati wa kujaribiwa Mungu aingilie kati.

.